પાકિસ્તાન પરથી IMFને ભરોસો ઉઠ્યો: દેશની લોન ચૂકવવાની ક્ષમતા અંગે શંકા વ્યક્ત કરી, આર્થિક સહાય મેળવવામાં પડશે તકલીફ
- 11 May, 2024
પાકિસ્તાન માટે એક ખરાબ સમાચાર સામે આવ્યા છે. આઈએમએફ(ઈન્ટરનેશનલ મોનિટરી ફન્ડ)એ પાકિસ્તાનની લોન ચૂંકવવા અંગેની ક્ષમતા પર શંકા કરી છે. ઉલ્લેખનીય છે કે હાલ પાકિસ્તાન આર્થિક કટોકટીનો સામનો કરી રહ્યું છે. આઈએમએફએ પણ પાકિસ્તનને વધુ લોન આપવા મુદ્દે હાથ અધ્ધર કરી દીધા હોય તેવ સંકેત આપ્યા છે. એક અહેવાલ મુજબ આઈએમએફએ પાકિસ્તાનની લોન ચુકવવાની ક્ષમતા પર શંકા કરી છે. જોકે આ વાત વિચાર માંગી લે એવી એટલા માટે છે કે પાકિસ્તાનની અર્થવ્યવસ્થા અંગે વોશિંગ્ટન સ્થિત બેન્ક મુલ્યાંકન કરી રહી છે.
ઈસ્લામાબાદે એક્સટેન્ડેડ ફંડ ફેસિલિટી (EFF) હેઠળ નવુ રાહત પેકેજ જારી કરવા અરજી કરી છે. આઈએમએફ (IMF)ની ટીમ આ મામલે ચર્ચા કરી રહી છે. આઈએમએફ અનુસાર, પાકિસ્તાનને આગામી પાંચ વર્ષમાં કુલ 123 અબજ ડોલરના ધિરાણની જરૂર છે. જેમાં 2024-25માં 21 અબજ ડોલર, 2025-26માં 23 અબજ ડોલર, 2026-27માં 22 અબજ ડોલર, 2027-28માં 29 અબજ ડોલર તથા 2028-29માં 28 અબજ ડોલરની જરૂર છે.
મીડિયા રિપોર્ટ્સમાં આ મહિનાની શરૂઆતમાં જાહેર કરાયેલા પાકિસ્તાન અંગેના તેના સ્ટાફ રિપોર્ટમાં IMFને ટાંકીને કહ્યું હતું કે પાકિસ્તાનની દેવું ચૂકવવાની ક્ષમતા ગંભીર જોખમોને આધિન છે અને તે સંપૂર્ણપણે નીતિના અમલીકરણ અને સમયસર બાહ્ય ધિરાણ, એક્સચેન્જ રેટ ફ્લેક્સિબિલિટી પર નિર્ભર છે.
ગુજરાત વંદનના whatsapp ચેનલમાં જોડાવા આ લિંક પર ક્લિક કરોઃ
https://shorturl.at/hjzN0
ગુજરાત વંદનના whatsapp ગ્રુપમાં જોડાવા આ લિંક પર ક્લિક કરોઃ